"Etdiyiniz hərəkətdən utanın" - Məşhur modelin keçmiş əri üsyan etdi

Türkiyəli məşhur model Ebru Şallının keçmiş həyat yoldaşı Harun Tan oğlu Parsın dəfn mərasiminə gələn jurnalistlərə üsyan edib.

Teleqraf.com xəbər verir ki, buna səbəb linfa xərçəngindən dünyasını dəyişən 8 yaşlı oğlu Parsın dəfn mərasimindən çəkiliş edilməsi olub:

"İnsanın ən kədərli günündə də təqib etməyi buraxmırsınız. Məzarda kədərli ana-atanı kamerlara çəkirsiniz. Məzara qoyulan uşağı göstərməyin və ya kədərli valideynlərin göz yaşlarını çəkməyin kimə nə faydası ola bilər?
Bu işə kim son qoyacaq? Belə mətbuat azadlığınız olmaz olsun. Etdiyiniz hərəkətdən utanın!".