Bəhram Bağırzadənin həkimi: "Müalicədə dəyişiklik edildi"/Video

Mərkəzi Gömrük Hospitalının reanimasiya şöbəsinə yerləşdirilən əməkdar artist Bəhram Bağırzadənin səhhətindəki son vəziyyət haqqında məlumat verilib.

Mərkəzi Gömrük Hospitalının rəisinin müalicə işləri üzrə müavini Bəxtiyar Musayev Teleqraf. com-a açıqlamasında bildirib ki, Bəhram Bağırzadənin ümumi vəziyyəti orta-ağırdır, stabildir:

"Udqunma və qidalanmada narahatlıq müşahidə edilmir. Fəaldır, ayağa qalxır, hərəkət edir. Xəstənin tənəffüsü fizioloji yol vasitəsilə - burun və ağızladır.

Ötən gün bədən hərarətinin və qanda iltihabi göstəricilərin yüksəlməsini nəzərə alaraq infesksionistlərin iştirakı ilə aparılan müalicədə müvafiq dəyişiklər edilib".

Qeyd edək ki, Bəhram Bağırzadə iyunun 13-dən Mərkəzi Gömrük Hospitalının reanimasiya şöbəsinə yerləşdirilib.