Bəhram Bağırzadə komaya düşən anası üçün kömək istədi

Əməkdar artist Bəhram Bağırzadənin anası Tahirə Əfəndiyeva koronavirusa yoluxub.

Teleqraf.com xəbər verir ki, Bəhram Bağırzadə bu haqda feysbuk səhifəsində məlumat verib.

Əməkdar artist səhhəti ağır olan anası üçün kömək istəyib: "Anam komadadır, COVID-19 virusundan ağır vəziyyətdədir və ona təcili qan köçürülməlidir. Hansı qrupun olması vacib deyil, əsas odur ki, kimsə bankı doldurmaq üçün təzə qan bağışlasın. İmkan varsa bu vəziyyətdə mənə kömək edin! Sizdən Bəhram Bağırzadə kimi deyil, onu xilas etmək üçün hər şeyi etməyə hazır olan bir oğul kimi xahiş edirəm. Kömək edən hər kəsə əvvəlcədən təşəkkür edirəm!".