Brilliant küsülü olduğu həmkarı haqda: "O, anadangəlmə..."

Xalq artisti Brilliant Dadaşova bir müddət küsülü olduğu müğənni Ramal İsrafilov haqqında xoş sözlər səsləndirib.

Teleqraf.com xəbər verir ki, Ramal İsrafilov Azad Azərbaycan televiziyasında qonaq olarkən Xalq artisti canlı efirə zəng edib:

"O, anadangəlmə professordur. Ramal tamamilə başqa mahnılar oxumalıdır. Ramalın daxilində böyük dünya var".

Brilliant Dadaşova kanalların müğənnini tanıtmasına da münasibət bildirib: "Bəzən televiziyalarda deyirlər ki, biz sizi sənətkar etdik, reklam etdik... Bunlar hamısı boş fikirdir".

Qeyd edək ki, Ramal İsrafilov ilə Brilliant Dadaşova arasında “Aləm gözəl” mahnısına görə söz-söhbət yaranmışdı..