Gülbən : “Mənim də ona təşəkkürüm sonsuzdur” – FOTO

“Anadolu Atəşi” rəqs qrupunun rəhbəri, müğənni Gülbən Ərgənin keçmiş həyat yoldaşı Mustafa Ərdoğan “Həftə sonu” dərgisinə maraqlı açıqlamalar verib.

Teleqraf.com “Hürriyət”ə istinadən xəbər verir ki, M.Ərdoğan “Gülbən Ərgənlə son zamanlar aranızda baş verənlərlə bağlı nə demək istəyirsiniz?” sualını belə cavablandırıb:

“Mən 3 uşağımın anası ilə bağlı pis bir şey söyləyə bilmərəm. Ona borcum çoxdur. Mənə üç övlad bəxş etdiyi, onları düzgün tərbiyələndirdiyi və yaxşı ana olduğu üçün Gülbənə minnətdaram”.

Müğənnin keçmiş həyat yoldaşına cavabı da gecikməyib. Belə ki, müsahibədən bir hissənin şəklini “Instagram” hesabında paylaşan Gülbən “Bu, uşaqlarımın atası ilə həyatımızdakı “Ana və Ata” ifadəsinin şəklidir. Mənim də ona təşəkkürüm sonsuzdur. Bəxş etdiyi 3 övlad və belə sayğılı davranışına görə...”.

Xatırladaq ki, Mustafa Ərdoğanla Gülbən Ərgənin Atlas, Aras və Güney adlı 3 oğlu var.

Rüstəm