Günay İbrahimli: "O bəsimdir"- Video/Foto

Müğənni Günay İbrahimli yeni mahnı və klipini təqdim edib.

Teleqraf.com xəbər verir ki, “O bəsimdir” adlı mahnının müəllifi və layihənin rəhbəri bəstəkar Zülfi Bədəlovdur.

Bəstənin aranjemanı Elvin Musayevə aiddir. Sənətində daima yeniliklər etməyi sevən Günay İbrahimli bildirib ki, klipin çəkilişləri ölkə xaricində baş tutub: “Çəkilişlərimiz İstanbulda oldu. “O bəsimdir”in rejissoru Kemal Yıldızdır. Ümumilikdə, çəkilişlərdə həm Azərbaycan, həm də Türkiyədən olan komanda çalışıb. Mahnı sevgidən bəhs edir”.

İfaçı çəkilişlərin 20 saata yaxın davam etdiyini söyləyib: “Peşəkar komanda ilə işlədiyim üçün yorğunluq hiss etmədim. Əksində çəkiliş prosesindən zövq aldım. Mənim üçün ən vacib məsələ sevənlərimə keyfiyyətli iş təqdim etməkdir ”.