Murad Dadaşov onu da Xəzər TV-yə gətirdi

Aparıcı Afaq Gəncəli bu gün ad gününü qeyd edir.

Aparıcı Teleqraf.com-a açıqlamasında doğum günü təəssüratlarını bölüşüb: "Ad günlərini qeyd etməyi sevirəm, amma bu aralar başım qarışıq olduğuna görə keçirmirəm. Hazırda anamın yanında oturmuşam. Ən özəl hədiyyəni anamdan almışam".

Aparıcı ATV kanalı ilə yollarını ayırmasından da danışıb: "ATV-dən ayrılmağım haqqında xəbərlər doğrudur. Xəzər televiziyasında fəaliyyət göstərəcəm. Dövlətimizin kanallarıdır, harada işlədiyimin fərqi yoxdur. 17 ildir ki, eyni yerdə işləyirdim".

Afaq Gəncəli yeni layihəsinin formatını isə gizli saxlayıb: "Bu barədə heç nə deyə bilmərəm. Çünki gizli saxlanılır. İnşallah, hazır olduqda efirdə görəcəksiniz. Layihənin nə zaman yayımlanacağını isə Murad Dadaşov qərar verəcək".