Türkiyənin "Kuruluş Osman" serialının baş rol ifaçısı Burak Özçivit haqqında istintaq başlayıb.
Teleqraf.com xəbər verir ki, serialın dörd işçisi Burak Özçivitin onları təhqir etdiyini və söyüş söydüyünü bildirərək hüquq-mühafizə orqanlarına şikayət ediblər.
Beykoz Baş Prokurorluğunda Burak Özçivit haqqında istintaq başlayıb. Aktyor ifadəsində
"Çəkilişdə stressli olduğum doğrudur. Amma heç vaxt söyüş söyməmişəm və təhqir etməmişəm", - deyə qeyd edib.
Qeyd edək ki, hadisənin 2020-ci il dekabrın 8-də "Kuruluş Osman" serialının çəkilişi zamanı baş verdiyi iddia edilib.