Alim Qasımovun qudası gizlinləri açdı: "O qapını..." - Foto

"Natiq" ritm qrupunun rəhbəri Natiq Şirinov Teleqraf.com-a xalq artisti Alim Qasımovla qohum olmasından danışıb.

Natiq Şirinovla qısa müsahibəni təqdim edirik.

- Oğlunuz Ümid Şirinov Alim Qasımovun nəvəsi Fatimə ilə nişanlandı. Qohumluq əlaqəsi necə baş tutdu?

- Bu qismətdir, hər şey Allahdandır. Əsas odur ki, gənclərin münasibəti sevgi üzərində qurulub.

- Gənclər özləri tanış olmuşdular, yoxsa izdivac ailələrin məsləhəti ilə baş tutdu?

- Xeyr, bu iki gəncin münasibəti sevgi üzərində qurulub. Sevgiyə də müdaxilə etmək olmaz. Bu, böyük bir sevgidir. Biz də qapını sevgiyə görə döydük. Sağ olsunlar, razılıq verdilər.

- Nişan mərasimi nə vaxt oldu?

- Bir neçə gün öncə ev şəraitində nişan mərasimi keçirdik.

- Neçə dəfə elçi getdiniz?

- Bu məsələlərə toxunmayaq. Əsas odur, sevgi var, razılıq var...

- Toy mərasimi nə vaxtdır?

- Dəqiq tarix məlum deyil, ona görə açıqlaya bilmirik.