Brilliant Tünzaləni riyakarlıqda günahlandırdı - Qalmaqal

Xalq artistləri Brilliant Dadaşova ilə Tünzalə Ağayeva arasında İTV-də yayımlanan "Səs Azərbaycan" yarışmasında qalmaqal baş verib.

Teleqraf.com xəbər verir ki, Brilliant Dadaşovanın Mədinə adlı iştirakçı haqqında "Mədinə, çox aqressiv janra müraciət etmisən. Bu gün səndə yaxşı alınmadı. Əvvəl daha yaxşı və təmiz oxuyurdun. Seçdiyin repertuar da bundan gözəl idi", - fikrini bildirməsi onların arasında münasibəti korlayıb.

Xalq artisti Tünzalə Ağayevanın Mədinəyə belə deyib: "Sən super idin. Roku bu qədər mənimsəməyin məni heyran etdi".

Brilliant Dadaşovanı bu sözlərə etiraz edib: "Tünzalə, sən super deyib çaşdırma!"

Tünzalə Ağayeva isə "Bu mənim mövqeyimdir. Onun ifasına super deyirəm",-deyə cavab verib.

Brillian Dadaşova daha sonra İnstaqramda Tünzalə Ağayevanın ünvanına sərt sözlər qeyd edib: "Mədinə, qızım, səhnədə sizi tərifləyib, super deyib, yanlış yönləndirənlər bundan sonra da çox olacaq. Bu sənət yolu riyakarlıqlarla dolu bir aləmdir. Gözləyək görək, təki bu təriflər doğru olsun. Nəticədə sizi tərifləyənlər oyundan xaric etməsinlər".