"Həyat yoldaşımdan bu səbəbə görə ayrıldım" - Şəbnəmdən etiraf

Müğənni Şəbnəm Tovuzlu Azad Azərbaycan Televiziyasında ilk evliliyi haqqında danışıb.

Teleqraf.com xəbər verir ki, ifaçı keçmiş həyat yoldaşından qısqanclığa görə ayrıldığını deyib:

"Ailəmiz tərəfindən dəstəklənərək evləndim. El adəti ilə toy mərasimim oldu. Biz lazımsız qısqanclıq zəminində ayrıldıq. Hər ikimiz də bir-bizimizi qısqandıq. Həyat yoldaşımdan ayrılandan sonra barışmağa cəhd etdi".

İfaçı aparıcının "Bir qadın kimi xoşbəxtsinizmi? sualına isə "Xoşbəxtəm, ona görə ki, iki balam var. Allah bütün balaları qorusun", - deyə cavab verib.

Qeyd edək ki, Şəbnəm Tovuzlu ikinci dəfə ailə qurub. Onun Əli adlı oğlu, ilk nikahından bir qızı var.