Röyanın təxirə salınan konserti bu tarixdə baş tutacaq

Xalq artisti Röya Ayxanın iki il əvvəl təxirə düşən “Nazlı” adlı solo konserti sentyabrda baş tutacaq.

Teleqraf.com xəbər verir ki, bu barədə müğənni özü məlumat yayıb.

O bildirib ki, bu ilin sentyabrında dörd günlük konsert proqramı ilə çıxış edəcək.

Qeyd edək ki, sənətçinin konserti 2020-ci ilin 6, 7, 8 və 9 mart tarixlərində keçirilməsi planlaşdırılırdı.

Lakin həmin dövrdə koronavirusun qarşısının alınması məqsədilə görülən profilaktik tədbirlərə və Ümumdünya Səhiyyə Təşkilatının (ÜST) yaydığı tövsiyəyə uyğun olaraq konsert təxirə salınıb.