"Bu Şəhərdə”nin prodüserinə ATV-də vəzifə verildi

Azad Azərbaycan televiziyasında yeni təyinat olub.

Teleqraf.com xəbər verir ki, bu haqda Azad Azərbaycan TV-nin Media və ictimaiyyətlə əlaqələr şöbəsinin rəhbəri Ozal İbrahimli məlumat verib.

Azad Azərbaycan televiziyasının prezidenti Azər Xəlilov yeni təyinatla bağlı əmr imzalayıb. Onun əmrinə əsasən, “Bu Şəhərdə” layihəsinin rəhbəri Müşfiq Abbasov ATV rəhbərinin kreativ texnologiyalar və əyləncəli verilişlər üzrə müşaviri, ssenarist Fariz Əliyev isə ATV-nin icraçı direktorunun yaradıcılıq məsələləri üzrə müavini vəzifələrinə təyin olunublar.