Natavandan Dado haqda şok açıqlama: "Kinodur, baxın..." - Video

Müğənni Natavan Həbibi "MTV maqazin" verilişində şəxsi həyatı haqqında açıqlaması ilə diqqət çəkib.

Teleqraf.com xəbər verir ki, sənətçi keçmiş həyat yoldaşı, reper Səid Əliyevin (Dado) "Natavan Həbibi ikinci dəfə hamilədir, amma uşağın atası mən deyiləm" iddialarına belə cavab verib:

"Sizin kimi illərdir özüm haqqında gözəl süjetlər izləyirəm. Gündəmdəyəm. İllərlə evdə oturum, klip çəkdirməyim, olmayan yerdən mövzu çıxır. Kinodur, baxın. Özüm deyirəm, özümə gülməli gəlir. Mən də uzatmaq, danışmaq istəmirəm. Həyatımı yaşayıram, oldu-keçdi, münasibət alınmadı. Boşanma prosesi gedir, məhkəməyə də gəlmir. Nə olursa, evin içində olur. Bunu efirdə danışmağın yeri yoxdur.

Artıq həyatımın başqa mərhələsini yaşayıram. Neçə ildir boşanma prosesi ilə məşğuluq və alınmır... Gah barışırıq, gah məhkəmə gəlmir, sənədlər gətirilmir. Münasibət yoxdur. Biz Zeydin valideynləriyik və həmişə də belə qalacaq. Uşağını gəlib görür. Uşaqla saatlarla oynayırdı, lazım olanda qalırdı. Mən də onun uşağının anasıyam".

Qeyd edək ki, eks cütlüyün Zeyd adlı oğlu var.