Kıraç Bakıda Rəşid Behbudovun mahnısını oxudu

Türkiyəli məşhur müğənni Kıraç Heydər Əliyev Sarayında konsert proqramı ilə çıxış edib.

Teleqraf.com xəbər verir ki, Kıraç konsertin əvvəlində təəssüratlarını bölüşüb.

"Çox həyəcanlıyam. Tarixi salonda konsert verməkdən çox xoşbəxtəm", - bildirib.

İfaçı Rəşid Behbudovun ifa etdiyi "Sənə də qalmaz" mahnısını səsləndirib: "Uşaqlıq illərindən ən çox sevdiyim və dinlədiyim mahnını ifa edirəm. Bu mahnını ilk dəfə Bakıda oxuyuram".

Konsert proqramında "Anadolu Events"in rəhbəri Eyyub Hüseynzadə ifaçıya xalça hədiyyə edib.