Beren Kıvançla bağlı suala belə cavab verdi

Türkiyənin məşhur cütlüyü Beren Saat və Kənan Doğulu Etilerdə sərgidən çıxarkən obyektivlərə tuş gəliblər.

Teleqraf.com xəbər verir ki, Beren Saat "Netflix" platformasında baş rolunu canlandırıdığı filmdən danışıb: "Çəkilişlərimiz bitdi. Çox maraqlı bir filmdir. Uzun zamandır oynadığım obrazlardan bu qədər zövq almamışdım".

Aktrisa media nümayəndələrinin "Aşkı-memnu" serialından sonra yenidən bir araya gəldiyi aktyor Kıvanç Tatlıtuğla bağlı "Yenidən bir araya gəlmək necə hissdir?" sualına isə "Bu haqda sonra danışarıq",-deyə cavab verib.

Qeyd edək ki, məşhurlar "Netflix”in “Last Call For İstanbul” filmində baş rolları bölüşüblər. Ekran əsərinin çəkilişləri İstanbul və Nyu-Yorkda baş tutub.