"İstanbulda ölümdən döndü"- Türklər Aygündən süjet hazırladı

Türkiyənin "MegaSinn" yutub kanalı Xalq artisti Aygün Kazımova ilə bağlı video-çarx hazırlayıb.

Teleqraf.com xəbər verir ki, dünyanın məşhur sənət adamlarının həyat hekayələri ilə bağlı süjetlər hazırlayan sosial şəbəkə kanalında müğənninin sənət yolu və şəxsi həyatı haqda məlumatlar yer alıb.

"Orduya qatılıb müharibəyə gedən, mahnıları ilə dünyaya səs salan Azərbaycanın Divası" başlığı ilə yayımlanan videoda Kazımovanın dünyaca məşhur reper Snup Doqla işbirliyindən, bu layihə üçün evini satmasından bəhs edilib.

Eyni zamanda Pop Divanın türkiyəli ifaçı Bülənt Ərsoyla aralarında yaşanan qalmaqala da toxunulub.