Dilarə Əliyeva "Toppuş bacı"dan danışdı: "Ötən həftə yazışdıq"

Əməkdar artist Dilarə Əliyeva xərçəngdən dünyasını dəyişən Tünzalə Əliyevadan danışıb.

Dilarə Əliyeva Teleqraf.com-a açıqlamasında bu sözləri deyib: "Çox inanırdım ki, o, qayıdacaq. Həyat eşqi çox idi. Gözəl insan idi. Azərbaycan televiziyası, teatrı, kinosu Tünzalənin timsalımda çox böyük aktrisanı itirdi. Onunla keçən həftə yazışdım, səhhətini soruşdum. Dedim ki, yolunu gözləyirəm, inanıram ki, sən gələcəksən. Qaldığın yerdən davam edəcəksən.

Bütün tamaşaçılar dünəndən onun üçün göz yaşı tökür. Qısa, mənalı və dolğun bir ömür yaşadı. İnsanların üzünü güldürdü. Gözüm dalınca qaldı. Yolunu gözləyə-gözləyə qaldım. Çox heyf!"