Mehin Hümbətova fərqli obrazda... - Foto

Müğənni Mehin Hümbətova "Sən yoxsan" adlı yeni klipini təqdim edib.

Teleqraf.com xəbər verir ki, söz və musiqisi RZZA-ya məxsus mahnı üçün Mehin fərqli obrazda tanınmış fotoqraf Azər Jafarın kamerası qarşısına keçib. Klip Xızıda çəkilib.

Azər Jafar “Klipdə oğlanın bitməyən sevgisindən, Mehinin o sevgidən həm qaçmağı, həm də arzulamağından bəhs edilir. Eyni zamanda bu qaçışın necə çətin və ağır olduğu göstərilir. Mehin arzusunda olduğu sevgiyə qovuşduğu anları isə rəqslə təsəvvüründə canlandırır”, - deyə bildirib.

Qeyd edək ki, ekran işi üzərində 20-dən çox komanda üzvü çalışıb. Rəqslər üçün Mehin Hümbətova günlərlə dərs alıb.