“İzn ver” mahnısının klipi təqdim olundu - FOTO - VİDEO

Ötən gün xalq artisti Samir Cəfərovun tələbəsi Turan Səfərli ilə duet ifa etdiyi “İzn ver” adlı lirik mahnıya çəkilən klipin təqdimat mərasimi keçirilib.

Teleqraf.com xəbər verir ki, mahnının musiqisi Rəhman Əliyeva, sözləri Sahibə Rəşidə, aranjimanı Əvəz Muradova məxsusdur. Mahnının musiqi müllifi həm də klipin rejissorudur. Operator işi Səid Zeynalova məxsusdur.

Təqdimatda xalq artisti Azər Zeynalov, əməkdar artistlər İlqar Muradov, Fidan Hacıyeva, Lalə Məmmədova, müğənnilər Ülvi Qılınc, Ümman, aktyor Elnur Kərimov və jurnalistlər iştirak ediblər. Klip təqdim olunduqdan sonra sənətçilər və jurnalistlər tərəfindən yüksək fikirlər, xoş sözlər söylənib.

Qeyd edək ki, mahnı həm də hazırda Xəzər TV-də yayımlanan “Bir ailəm var” adlı teleserialın soundtrekidir.

Sözügedən klipi burdan izləyə bilərsiz.

Rüstəm