Məşhur aktyorun sevgilisi özünü öldürdü - FOTO

Hollivudun məşhur komediya aktyorlarından olan Cim Kerrinin sevgilisi Katriona Uayt intihar edib.

Teleqraf.com Rusiya istinadən xəbər verir ki, qızın iki yaxını Los-Anceles polisinə müraciət edib. Evi yoxlamağa gedən polis 28 yaşlı Uaytın cəsədini tapıb. Evdə onun yazdığı intihar məktubu da aşkar edilib.

O, məktubda 53 yaşlı aktyorla sentyabrın 24-də ayrıldıqlarını yazıb. Katrion özünün "Twitter" hesabında isə “Ümid edirəm ki, mənim üçün ən yaxın və əziz insanın həyatında işıq oldum”, - deyə status paylaşıb.

Həkimlər K.Uaytın yüksək dozalı dərmanlar qəbul edərək intihar etdiyini bildirib.

Cim Kerri baş verən hadisədən kədərləndiyini deyib:

“O, əsl irland gülü kimi xeyirxah və zərif idi. Həddindən artıq həssas bir gül. Hazırda bütün diqqətimi onun ailəsinə və sevənlərinə yönəltmişəm. Bizim üçün bu çox ağır zərbə oldu”.

Xatırladaq ki, cütlük 2012-ci ildə çəkiliş zamanı tanış olub. Onlar bu ilin sentyabrında ayrılıblar.

Rüstəm