15 Noyabr 2015 13:56
1 283

Prodüser Tarix Əliyev (Tolik) xalq artisti Aygün Kazımova ilə bağlı təəssüratlarını bölüşüb.

Axşam.az-ın məlumatına görə, Tolik müğənninin ətrafında olan işçilərini qınayıb:


"Aygün xanımı çox istəyirəm. Onun ürəyinə bələdəm. Yanında olan bəzi qaşqaldaqların sözünə inanıb, hamıyla dava edib. Amma inanın ki, dava, qalmaqal heç vaxt onun marağında olmayıb. O sənət üçün yaradılıb. Çox istəyərdim küsülü olduğu həmkarları ilə barışsın. Çünki bəziləri bunu istəmir, yalnız qızışdırmağı bilirlər. Amma sonra Aygün xanım cavab verir. Baxıram gör nə yerə gəlib çatıb ki, sənətdən bixəbərlər də özlərini ulduzların siyahısına qoyur, Aygün xanıma söz deyir. Siz hələ bu sənətdə özünüzü tapın, sonra Aygün xanım haqda danışın".


Tolik A.Kazımova ilə müğənni Natavan Həbibini barışdırmaq istədiyini də vurğulayıb:

"Mən Natavanla barışmışam, amma inanın Allaha bir dəfə Aygün xanım haqda pis heç nə deməyib. Mən Aygün xanımla işləyəndə heç o haqda danışmırdıq. Düzdür, davamız var idi. Amma onda da ortada gəzənləri görürdüm. Hər gün bir xəbər tapıb, yollayıb ürək bulandırırdılar. Mən çox istəyərdim Aygün Kazımova ilə Natavan Həbibini barışdırım. Bunu istəyən çox insan da var. Amma istəməyənlər yüz faiz Aygün xanım demişkən "şıntramellalardır". Mən də Natavanla barışanda fikir verdim, çoxu yalandan sevindi. Əsas da şou-biznes əhli. Hətta bəziləri özlərinə gələ bilmirdilər. Çünki yalnız dava xoşlarına gəlir".


Müəllif: