28 Noyabr 2015 20:50
396

Amerikalı aktrisa Cennifer Lourens özünü rejissor kimi sınayacaq. O, LSD ilə eksperimentlər haqqında "Delirium layihəsi" filmini ekranlaşdıracaq.

"Entertainment Weekly" dərgisinə müsahibəsində Lourens çoxdankı arzusunu reallaşdıracağını bildirib: "16 yaşımdan bəri rejissor olmaq istəyirdim. Sadəcə heç vaxt bunu demirdim, çünki deməkdənsə, etmək daha yaxşıdır". Cenniferin sözlərinə görə, "Delirium layihəsi" psixoaktiv maddələr tətbiq edən 60-cı illərin psixiatriyası barədə danışan komediya olacaq. Çəkilişlərin nə vaxt başlayacağı və aktyor heyəti barədə hələ ki, məlumat verilmir.

25 yaşlı Lourens "Mənim sevgilim - dəlidir" filminə görə "Oskar" alıb. Bundan əlavə, o, "Amerikasayağı fırıldaq" və "Qış sümüyü" filmlərinə görə mükafata nominasiya edilib. 4 noyabr 2015-ci ildə "Ac oyunlar: Zığ-zığ masqaraçı. İkinci hissə" franşizasının yekun hissəsi çıxıb./buro247.az


Müəllif: