Türkiyəli məşhur Röyanın mahnısını oxuyacaq

Türkiyəli məşhur müğənni Özcan Dəniz Röya Ayxanın “Dostumsan, yoxsa sevgilim” mahnısını ifa edəcək.

Teleqraf.com xəbər verir ki, bu haqda mahnının bəstəkarı Nazim Məmmədov məlumat verib: “Dostumsan, yoxsa sevgilim” mahnısını Özcan Dəniz ifa edəcək. Bu mahnı Röya ilə mehriban münasibətimiz nəticəsində yazılıb. İki ildir ki, Röya ilə danışmıram. Amma bir-birimizi görəndə zaman salam veririk”.

Röya Ayxan da məsələyə münasibət bildirib: “Bu xəbəri sizdən eşidirəm. Özcan mahnımı oxuyacaq, qoy oxusun. Musiqidə sərhəd yoxdur. Amma Bakıda o mahnını oxumaq olmaz. Nazimlə aramızda heç bir problem yoxdur. Onu çox istəyirəm. Hər şey düzələcək. Arada mərdimazarlar olur”.

Rəqsanə