Faiq Ağayev: “Həyatımda iki dəfə sevgi yaşamışam”

Bu gün xalq artisti Faiq Ağayevin 44 yaşı tamam olur.

Teleqraf.com xəbər verir ki, sənətçi “Yoldaş Rövşanə” verilişində ad günü ilə bağlı təəssüratlarını bölüşüb: “Özümü 27-28 yaşlı kimi hiss edirəm. Ruh yaşım böyükdür. Ağlıma görə isə anamla eyni yaşdayam. Deyirlər ki, kişilərdə orta yaş dövrü “krizis” olur. Vurulmağa, ikinci dəfə cavanlığını yaşamağa başlayırlar. Hələ ki, o “krizis” mənim qapımı döyməyib”.

F.Ağayev sevgi münasibətlərindən də danışıb: “Ürəyim boşdur. Sovet dövründə ailə qurmayan, vaxtını işinə sərf edən və utancaq adamlar üçün klub var idi. 40 yaşından sonra kişi və qadınları bir yerə toplayırdılar ki, bir-biri ilə tanış olsunlar. İndi belə yerlər yoxdur. Həyat yoldaşı mağazada satılmır ki. Bu, Allahın qismətidir. Həyatımda iki dəfə əsl sevgi yaşamışam. Amma münasibətlərim çox olub”.

Rəqsanə