Tülkü kəndə “qonaq” gəldi - Video

Türkiyənin Ərdahan vilayətində qeyri-adi hadisə baş verib.

Teleqraf.com xəbər verir ki, Türkiyənin bu bölgəsinə qış həm tez gəlir, həm də olduqca sərt keçir.

Bu səbəbdən qış fəslində bəzən qida tapmayan meşə heyvanları kəndlərin ətrafında dolaşır.

Bu qış da oxşar hadisə baş verib. Ərdahanın Posof kəndində evinə gedən Cevdət Dəmir yolda tülkü ilə qarşılaşıb və anlayıb ki, tülkü qarlı havada yemək üçün bir şey tapmadığı səbəbindən kəndə “qonaq” gəlib.

Cevdət Dəmir tülkünü pişiyi kimi bəsləyib, ona yemək verib.