Saxta “Samsung Galaxy S10+” smartfonu buraxıldı - Video

Çində “Samsung Galaxy S10+” smartfonu satışa çıxarılıb.

Teleqraf.com “ICTnews”a istinadən xəbər verir ki, qurğunun arxa paneli çexol istehsalçısının videoçarxında göstərilənə bənzəyir: 3 kamera, sensorlar horizontal şəkildə quraşdırılıb. Belə ki, smartfon işıq üzü görən “LG V40 ThinQ” modelini xatırladır.

Bildirilir ki, ön paneldə yuxarı və aşağı çərçivələri görmək mümkündür. Orijinal qurğuda “selfie” kamerasının altında kiçik açıq yer yerləşəcək. Məlumdur ki, o 2 kameralı olacaq. “Samsung” şirkətinin istifadəçiləri qeyri-adi form-faktorla təəccübləndirəcəyi gözlənilir.

Bir müddət əvvəl “S10” seriyasından olan smartfonlardan birinin videosu dərc edilib. Qurğu ilə beşinci nəsil mobil rabitə şəbəkəsi (5G) sınaqdan keçirilib. Həmin smartfon indiki saxta qurğunun kamerasına bənzər kamera ilə təchiz edilmişdi.