24 Aprel 23:57
246

Prezident İlham Əliyevin “Cənubi Qafqaz regionunda alman məskənlərinin salınmasının 200 illiyi haqqında” Sərəncamına uyğun olaraq, Alman mədəniyyəti və məişətinin respubliamızın müxtəlif yerlərindəki izləri tarixin yadigarları kimi qorunur və nəsildən nəsilə ötürülür.

Teleqraf.com xəbər verir ki, bu xüsusda, düz iki əsr bundan əvvəl alman qəsəbəsi kimi salınmış Helenendorf, indiki Göygöl şəhərinə vaxtılə burada yaşamış almanların törəmələrinin səfəri böyük maraq doğurub.

Alman qonaqlar Göygöl şəhərinin tarixi, mədəniyyəti, sosial-iqtisadi vəziyyəti, turizm imkanları, eləcə də burda qorunan tarixi alman izləri barədə ətraflı bilgi əldə ediblər. Qonaqlar Göygölün küçələrini gəzərək alman izlərinin necə qorunduğunun canlı şahidi olmaq imkanı əldə ediblər.

İki Əsr bundan əvvəl Çar Rusiyasının razılığı ilə könüllü olaraq Almanilanın Vürtenberq vilayətindən yüzlərlə alman ailəsi İmperiyanın bir sıra ərazilərində, o cümlədən Cənubi Qafqazda yerləşdirilib. O cümlədən Gəncə yaxınlığındakı Xanlıqlar adlanan kəndə də ilk mərhələdə 118 alman ailəsi məsuknlaşdırılır. Beləliklə 1819-cu ildə Xanlıqlar kəndi Helenendorf adlı alman koloniyasına çevrilmiş olur. Tezliklə Helenendorf daha da genişlərir, əhali sayı artır, küçələr salınır, evlərin və bu küçələrdə həmin dövrün alman memarlığına xas olan 600-ə qədər ev tikilir. Helenendorf Almanları Rusiyanın iqtisadi həyatına da öz töhfələrini veribləır.

O cümlədən, şərabçılıqla məşğul olan Hummel və Forer qardaşlarının adları Avropa sənaye bazarında çox məşhur olub. Almanlar məskunlaşdıqları və qaynayıb qarışdıqları bu yerləri İkinci Dünya müharibəsi dövründə tərk etmək məcburiyyətində qalsalar da, onların özlərindən sonra qoyub getdikləri tarixi-mədəni irs, bu günədək qorunub saxlanılıb. Almaniyalı qonaqlar Göygöl şəhərinə bu dəfəki səfərlərində özlərinin Pasxa bayramını dədə-babalarının doğma yurdlarında keçirmək arzularını da gerçələşdiriblər. Onlar 1854-cü ildə tikilmiş Alman Lüteran kilsəsində öz dini ayinlərini icra edib, bayramlaşıblar .Amma ən kövrək anlar Göygöldəiki alman qəbristanlığında yaşanıb. Əcdadlarının qəbirlərini ziyarətə gələn qonaqlar öz təəssürütlarını da məhz burada bölüşüblər.Almaniyalı qonaqlar həmçinin füsünkar təbiəti olan Göy gölə də gediblər.


Müəllif: Teleqraf.com