18 İyul 01:35
844

Azərbaycan məhkəməsində "Barışıq skamyası"nda tərəflər növbəti dəfə barışdırılıb.

Teleqraf.com xəbər verir ki, bu hadisə Bakı Apellyasiya Məhkəməsində baş verib.

Belə ki, hakim İsmayıl Xəlilovun sədrliyi ilə keçirilən mübahisəli işdə məhkəmə heyəti tərəfləri "Barışıq skamya"sında oturdub. Hər iki tərəf skamyada oturduqdan sonra barışıq sazişini imzalayıblar.

Həmçinin həmin məhkəmə tərkibinin digər mübahisəli işində tərəflər "Barışıq skamyası"nda barışıb.

Qeyd edək ki, 10 iyun 2011-ci il tarixində Bakı Apellyasiya Məhkəməsinin məhkəmə iclas zallarının yerləşdiyi korpusun qarşısında rəmzi xarakter daşıyan "Barışıq skamyası" qoyulub. Bu skamyanın qoyulmasında məqsəd insanlar arasında münasibətləri normal vəziyyətə gətirmək üçün məhkəmədə iştirak edən tərəfləri barışdırmağa nail olmaqdır.

Xatırladaq ki, daha əvvəl də hakim İ.Xəlilovun sədrliyi ilə keçirilən mübahisəli işdə "Barışıq skamyası"nda tərəflər barışıb.


Müəllif: Teleqraf.com