Dağıstanın Dərbənd şəhərində yerli stadionda bazar günü keçirilən toy Ginnesin rekordlar kitabına düşüb.
Teleqraf.com-un məlumatına görə, Dərbənd administrasiyasının Zaqs şöbəsinin müdiri Tatyana Marchenko toy haqqında bunları deyib: "Vətəndaş qeydiyyatı idarələri tarixində ilk dəfə olaraq ən böyük çoxmillətli toy mərasimi ilə qarşılaşıram.16 millətin nümayəndələrinin 24 cütlüyünün müvafiq məlumatları 29 sentyabr 2019-cu il tarixdə Dərbənd şəhər vətəndaşların qeydiyyatı aparatı kitabına daxil edilib. Rusiya Federasiyasının ailə kodeksinə əsasən, bu gün öz ailələrini yaradan cütlüklərin məlumatlarının qeydə alınması faktını təsdiqləyirəm " deyə bildirib.