12 Oktyabr 2021 22:38
1 992
12 Punto 14 Punto 16 Punto 18 Punto

Argentina Donanması ilə ABŞ Mərkəzi Kəşfiyyat İdarəsi (CIA) arasında 1962-ci ilə aid yazışmalar üzə çıxıb.

Teleqraf.com xəbər verir ki, yazışmalarda uçan naməlum obyektin (UNO) qəzaya uğraması nəticəsində 2 yadplanetlinin öldüyü barədə məlumatlar yer alıb.

Yazışmalar polkovnik Roberto Sezar Müllen və Milli İstintaq Komitəsinin yetkilisi Riçard Holl arasında baş verib.

Sənədlərdə UNO qəzasının Argentinada baş verdiyi bildirilib. Sözügedən qəzada 2 yadplanetlinin öldüyü barədə məlumatlar bütün dünyada təəccüb yaradıb.

Yazışmalarda qeyd edilib ki, Argentinadakı Amerika bazasındakı hərbçilər bazanın yaxınlığında göydən parlaq bir cisimin düşdüyünün şahidi olublar. Bundan sonra üç hərbçinin dərhal qəza yerinə getdiyi bildirilib.

Sənədlərdə olay yerinə gələn hərbçilərin 2 yadplanetlinin cəsədi ilə qarşılaşdıqlarına dair qeydlər yer alıb. Sənədlərin rəsmi olub-olmadığı hələ məlum deyil. Bunun medianın spekulyasiyası ola biləcəyini deyənlər də var.


Müəllif: Mənsur Rəğbətoğlu