Dünyanın ən varlı adamları bir həftədə on milyardlarla dollar itirdilər

Dünyanın ən varlı insanları – “Tesla”nın qurucusu İlon Mask və “Amazon”un sahibi Ceff Bezos texnoloji səhmlərin qiymətlərinin azalması səbəbindən bir həftə ərzində rekord məbləğ itiriblər.

Teleqraf.com xəbər verir ki, Mask son 7 gündə 25,1 milyard dollar itirib, nəticədə sərvəti 9%-dən çox azalıb.

Bezos isə 20 milyard dollar itirib. İtirilən məbləğin 17,7 milyard dolları “Binance”ə aid “Changpeng Zhao”nun payına düşür.

“Meta”nın baş direktoru Mark Zukerberqin sərvəti isə 10,4 milyard dollar azalıb.

Qeyd edək ki, keçən həftə bazarlarda pandemiyanın başlanmasından bəri səhmlərin qiymətlərində ən çox enmə qeydə alınıb.

Bir gün əvvəl Mask “Tesla” investorlarını “hövsələdən çıxardığına” görə mühakimə olunub.

Səhmdarların məhkəməyə müraciət etməsinə səbəb Maskın 2016-cı ildə direktorlar şurasını milyarderin əsas səhmdarı olduğu “SolarCity”nin alınmasına razılıq verməyə məcbur etməsi olub. Bildirilir ki, yeni şirkətin satın alınması “Tesla”nı “SolarCity”nin maliyyə problemləri və borcları ilə üz-üzə qoyub.

2016-cı ildə sövdələşmə baş tutub - satınalma 2,6 milyard dollar məbləğində “Tesla” səhmləri tərəfindən ödənilib. İddiaçılar Maskın birləşmə üçün aldığı və o vaxtdan bəri xeyli bahalaşan aktivlərin qaytarılmasını tələb edirlər.