14 Yanvar 2023 23:24
3 585
12 Punto 14 Punto 16 Punto 18 Punto

Arizona Universitetinin alimləri müəyyən ediblər ki, əhvalı pis olan insanlar hekayələri dinləyərkən səhvləri daha tez fərq edə bilirlər.

Teleqraf.com xəbər verir ki, bu barədə tədqiqat "Frontiers in Communication" jurnalında dərc olunub. Tədqiqata cəlb olunanların hamısı qadınlar olub.

Alimlər tədqiqat iştirakçılarına "Sofinin seçimi" adlı filmindən kədərli səhnələr və "Dostlar" komediyasından bir hissə göstərməklə onların əhval-ruhiyyəsini manipulyasiya ediblər. Komediya janrında çəkilən film iştirakçıların əhval-ruhiyyəsinə təsir göstərməsə də, digər filmin səhnələri iştirakçılarda daha mənfi əhval-ruhiyyə yarada bilib.

İştirakçılar daha sonra bir sıra emosional neytral səs yazılarını dinləyiblər. Hər biri dörd cümlədən ibarət idi, onlardan birində məntiqi xəta var idi. Məsələn, gecə maşın sürmək haqqında hekayədə və ya ulduzlara baxmaqla bağlı mətndə “İşıqlar yandıqda, daha az görəcəksən” cümləsi yer alıb. Birinci halda, bu ifadə səhv idi, ikincidə - düzgün.

Alimlər müəyyən ediblər ki, iştirakçılar pis əhval-ruhiyyədə olanda səhvləri aşkar etməkdə daha effektiv olurlar. Beyin dalğalarının fəaliyyətinin təhlili insanların bu zaman daha diqqətli olduğunu təsdiqləyib.


Müəllif: Pərvin Cəfərova