Susuzluğu hansı daha yaxşı yatırır - İsti çay, yoxsa soyuq su?

Azərbaycan kimi bir çox isti ölkələrin sakinləri yayda susuzluğu yatırmaq üçün isti çay üstünlük verirlər. Doğrudanmı, yayda isti çay içmək susuzluğu yatırır?

Teleqraf.com yayda isti çay və soyuq su deilamması qarşısında qalanlar üçün aşağıdakı yazını təqdim edir.

İsti çay içməyin üstünlükləri

1. Bədən temperaturunu tənzimləyərək sərinləməyə kömək edir: İsti içki tərləməni stimullaşdırır ki, bu da bədənin təbii soyumasına kömək edir.

2. Stresi azaldır: Yay günlərində isti çay içməyin digər faydası isə odur ki, çayın sakitləşdirici təsirə malikdir, insanı rahatlandırır, stres səviyyəsini azaltmağa kömək edir.

3. Həzm prosesini yaxşılaşdırır: Yeməkdən sonra isti çay içmək həzmin yaxşılaşmasına kömək edə bilər.

Çatışmazlıqlar

1. Narahatlıq: Yayda isti çay içmək tərləməni sürətləndirir ki, bu da susuzluğu artırır.

2. İstilik stresi: Bəzən isti çay içmək xroniki xəstəlikləri olan insanlarda ürək-damar sisteminə yükü artıra bilər.

Soyuq su içməyin üstünlükləri

1. Dərhal sərinləmə: Soyuq su dərhal bədənin temperaturunu aşağı salır və sərinlik verir.

2. Rehidratasiya: Soyuq su bədəndəki mayeni effektiv şəkildə doldurur və su balansını qoruyur.

3. Yorğunluğun azalması: Soyuq su yorğunluq hissini azaltmağa və ümumi əhvalı yüksəltməyə kömək edə bilər.

Çatışmazlıqlar

1. Həzm üçün risk: Çox soyuq su mədədə spazmlara və həzm prosesinə mənfi təsir göstərə bilər.

2. Orqanizm üçün stres: Çox isti havalarda bədənin qəfil soyuması stres yarada bilər.

3. Kalorilərin itkisi: Soyuq su orqanizmin bədəni normal temperaturuna qədər qızdırmaq üçün enerji sərf etməsinə səbəb olur. Bu da əlavə kalori sərfiyyatına gətirib çıxara bilər.