Kosmosda qalan astronavtlardan mesaj gəldi - "Burada xoşbəxtik"

ABŞ-ın “Boeing” aviasiya şirkətinin “Starliner” gəmisi ilə Beynəlxalq Kosmik Stansiyaya (BKS) göndərilən astronavtlar yerə qayıtmağı gözləyirlər.

Teleqraf.com xarici KİV-ə istinadən xəbər verir ki, kosmik stansiyada qalan astronavtlar Sunita Villiyams və Buç Vilmore açıqlama ilə çıxış ediblər.

Onlar yerə sağ-salamat dönəcəklərinə inanırlar. Bunda başqa, kosmosda əlavə vaxt keçirməkdən şikayət etmədiklərini, əksinə bundan həzz aldıqlarını bildiriblər. Astronavtlar daha bir neçə həftə kosmik stansiyada qalacaqlarını deyibrlər.

Qeyd edək ki, bir neçə yoxlamadan sonra “Starliner” kosmik gəmisi müxtəlif nasazlıqlara görə havaya qalxa bilməmişdi.