İndiana Consun papağı bu qiymətə satıldı

Məşhur aktyor Harrison Fordun "İndiana Cons" filmində istifadə etdiyi papaq hərraca çıxarılıb.

Teleqraf.com xarici mətbuata istinadən xəbər verir ki, papaq "Propstore Auction" evinin təşkil etdiyi hərracda satışa çıxarılıb.

Papaq hərracda 630 min dollara (1 milyon manatdan çox) satılıb.

Həmçinin hərracda 1983-cü ildə çəkilmiş “Star Wars Cedinin qayıdışı” filmində istifadə edilən hərbi dəbilqə 315 min dollara, Daniel Radkliffin “Harri Potter və Azkaban məhbusu” filmində istifadə etdiyi çubuq isə 53 min 550 dollara satılıb.