Seçkidən sonra bu məşhurlar "X"dən ayrıldılar - Siyahı

ABŞ -da prezident seçkilərindən sonra “X” istifadəçiləri “Bluesky” sosial platformasına keçid edirlər.

Teleqraf.com xarici KİV-ə istinadən xəbər verir ki, məşhur simalar da bu böyük köçə qoşulanlar arasındadır. İlon Maska məxsus “X” platforması ilə vidalaşacaqlarını açıqlayan məşhurlardan biri dünyaşöhrətli yazıçı Stiven Kinqdir. O paylaşım edərək “X”dən ayrılacağını və "Meta"ya məxsus “Threads”a keçəcəyini açıqlayıb: "Tvitterdən ayrılıram. Mən qalmağa çalışdım, amma buradakı atmosfer həddindən artıq zəhərlənib", - Kinq belə deyib.

Müğənni və aktrisa Barbra Streyzsand “Bluesky”ə keçəcəyini açıqlayıb.

Aktrisa Ceymi Li Kertis “X” hesabını bağlayıb və "sülh üçün dua" skrinşotunu paylaşıb.

“X” hesabını bağlayanlar arasında xəbər aparıcısı Don Lemon da var. İnstaqramda paylaşdığı videoda “Mən bir vaxtlar buranın düzgün müzakirə, şəffaflıq və azad söz yeri olduğuna inanırdım, amma düşünürəm ki, bura artıq bu məqsədə xidmət etmir” , - deyə o bildirib.

The Daily Beast və The Root kimi mənbələrə görə, aktrisa və komediya ustası Bette Midler də seçkidən sonra “X” hesabını bağlayıb.

Elton Con və televiziya prodüseri Şonda Raymz kimi bəzi məşhurlar da Maskın satın alınmasından sonra “X”dən ayrılıblar.