1200 dollarlıq Şaxta baba xeyriyyə ənənəsinə çevrildi

İngiltərədə sərxoş kişi 1200 dollara nəhəng Şaxta baba alıb.

Teleqraf.com xəbər verir ki, onun hekayəsini "Daily Mail" bölüşüb.

Peter Rudlej adlı kişi 4 il əvvəl 1200 dollarlıq səkkiz metr hündürlüyündə hava ilə şişən Şaxta baba alıb. O vaxtdan bəri yaşadığı ərazidə bu əlamətdar hadisəyə çevrilib.

Hər il bayram ərəfəsi Peter Şaxta babanı həyətində yerləşdirir, yerli sakinlər isə onunla şəkil çəkdirməyə yığışırlar.

O, Şaxta Babanın yanına vedrə və QR kod yerləşdirib. Bu vasitə ilə gələnlər ianələr də edə bilirlər.

Bu il Peterin ailəsi əlilliyi olan ailələrə və uşaqlara kömək edən York Inspirational Kids təşkilatını dəstəkləməyə qərar verib.