Rusiyada çəkilən bu klip ciddi tənqid olundu - Video

Rusiyada hazırlanan "Yeni İl təbriki" videosu müzakirələrə səbəb olub.

Teleqraf.com xəbər verir ki, video Rusiyanın "Teleqram" kanallarında yayılıb.

Videoda Rusiyanın “Qərbli” Şaxta babanın Kreml üzərində hava hücumundan müdafiə sistemləri tərəfindən vurduğunu əks etdirilib. "Ded Moroz", hava hücumundan müdafiə sisteminin operatorunun yanında oturub ona deyir:

"Hədəf məhv edildi.. Bizim dünyamızda yad heç nəyə ehtiyacımız yoxdur. Yeni iliniz mübarək!"

Klip Rusiya cəmiyyətinin ifrat dərəcədə hərbiləşdiyini, səmadakı bütün obyektlərə təhlükə mənbəyi kimi baxdıqlarını göstərir. AZAL-a məxsus təyyarənin Rusiya səmasında vurularaq Aktauda qəzaya uğramasından sonra gündəmə gələn bu klip haqlı narazılıqlar doğurub.