Rəsmi Ankaradan Minsk qrupuna çağırış

ATƏT-in Minsk Qrupu Dağlıq Qarabağ münaqişəsinin həllinə dair nəticə yönümlü danışıqlar prosesinə başlamalıdır.

Teleqraf.com-un məlumatına görə, bu barədə Türkiyə Xarici İşlər Nazirliyinin mətbuat katibi Hami Aksoy bildirib.

Aksoy vurğulayıb ki, atəşkəsin davamlılığını təmin etmək üçün nəticələrə əsaslanan danışıqlara başlamaq lazımdır:

"Minsk Qrupu həmsədrlərinin konkret nəticələr gətirmək səyləri üçün Ermənistanın yol verdiyi pozuntuların nəzərə alınmasını və BMT Təhlükəsizlik Şurasının qətnamələrinə və beynəlxalq hüquqa uyğun olaraq nəticə yönümlü danışıqlar prosesinə başlamağı vacib hesab edirik. Hesab edirik ki, elan edilmiş atəşkəs yalnız bu halda davamlı ola bilər".