Qarabağda 16 YPG terrorçusu məhv edildi – Şuşa yaxınlığında partlayış

“Qarabağda savaş başlayan gündən məhv edilən YPG terrorçularının sayı 16 nəfərə çatıb”.

Teleqraf.com xəbər verir ki, bu haqda jurnalist Elçin Alıoğlu məlumat verib.

“Gecə saatlarında Şuşa yaxınlığında Ermənistan Silahlı Qüvvələrinin “Tornado-U” yük avtomobili partlayıb. “Tornado-U” Rusiya istehsalı olan “Ural- 63704-0010” avtomobilidir. Həmin avtomobildə erməni hərbçilərlə yanaşı, YPG-nin 6 terrorçusu olub. Beləliklə, Qarabağda savaş başlayan gündən məhv edilən YPG terrorçularının sayı 16 nəfərə çatıb”, - jurnalist bildirib.

Bundan əvvəl, PKK terror təşkilatının Suriyanın şimalındakı bölməsi olan “Xalq Özünümüdafiə Dəstələri”nin (“Yekineyen Parastina Gel”, YPG) liderlərindən biri Fırat Piran da Qarabağda məhv edilib.