7 Fevral 2023 17:45
3 558
12 Punto 14 Punto 16 Punto 18 Punto

Ermənistan parlamentinin sədri Alen Simonyan Rusiya xarici işlər naziri Sergey Lavrovun ölkəsini Azərbaycan ərazilərini işğalda ittiham etməsinə cavab verə bilməyib.

Teleqraf.com xəbər verir ki, erməni spiker rusiyalı nazirin açıqlamasına cavab verməyin lazım olduğunu düşünmədiyini söyləyib.

Simonyan jurnalistin müvafiq sualına ümumi cavab verib:

“Necə reaksiya verməliyik? Hesab edirəm ki, hər şey aydındır, böyük mənada bizim üçün yeni heç nə deyilmədi”.

Lavrov bundan əvvəl Ermənistanın Azərbaycanın 7 rayonunu işğal etdiyini və ölkəmizin özünə məxsus torpaqları geri qaytardığını açıqlamışdı.


Müəllif: Mənsur Rəğbətoğlu