Yerli sakinləri girov kimi istismar etmək şantajdan başqa bir şey deyil - Hikmət Hacıyev

Razılaşdığımız kimi, Ağdam-Xankəndi yolu bütün növ yüklərin çatdırılması üçün tam istismara verilir.

Teleqraf.com xəbər verir ki, bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Tvitter paylaşımında bildirib.

“Amma bu yoldan istifadəyə imkan verməmək, yerli sakinləri girov kimi istismar etmək - imitasiyalı malların çatdırılmasını təşkil etmək möhtəkirlik, manipulyasiya və şantajdan başqa bir şey deyil” – Hacıyev bildirib.