“Rusiya ABŞ-ın Qarabağla bağlı bu təklifini rədd edib” - Xaçikyan

Avropa Birliyi, ABŞ və Rusiya diplomatlarının görüşündə Azərbaycan ordusunun son antiterror tədbirlərinin qarşısının alınması müzakirə edilmiş ola bilər.

Teleqraf.com xəbər verir ki, bunu erməni politoloq Artur Xaçikyan deyib.

“O da mümkündür ki, Qərb həmin görüşdə Rusiya sülhməramlılarını öz müşahidəçiləri və ya sülhməramlıları ilə əvəzləmək təklifini verib. Amma nəzərə almalıyıq ki, Qərb və Rusiya indi ölüm-qalım müharibəsindədir, onlar indi buna görə əməkdaşlıq etməyəcəklər”, - politoloq bildirib.

Xaçikyan Rusiyanın Qərbin təkliflərini rədd etdiyini söyləyib.

Dünən ABŞ-ın “Politico” qəzeti Amerika, AB və Rusiya nümayəndələrinin Türkiyədə gizli danışıqları barədə məlumat yayıb. Nəşrin yazdığına görə, görüş Azərbaycan ordusunun antiterror tədbirlərindən iki gün əvvəl baş tutub.