Sevgi naminə 222 kilometr qaçdı

Pekində işləyən Çinin Çunçin şəhər sakini öz sevgisini tapmaq üçün 222 kilometri 45 saat 10 dəqiqə ərzində qaçıb. Teleqraf.com xəbər verir ki, bu barədə “China.org.cn” portalı bildirib.

30 yaşlı Lyu Çjunçze (Liu Zhongjie) Çin paytaxtının altı halqaşəkilli avtoyol üzrə hərəkət edib.

Qeyd edilir ki, tək yaşayan kişi bu hərəkəti sayəsində sevgisini tapmağa ümid edir. Pekin sakini marafonunu "inam üçün və onun üçün" (For belief and for her) adlandırıb.

Bundan başqa Lyu marafonunu 2008-ci il Sıçuan zəlzələsinin qurbanlarına həsr edib.

Çinlinin sözlərinə görə, qaçış onun gündəlik həyatının bir hissəsidir. Marafona hazırlaşmaq üçün Lyu 2016-cı ilin mayında bu marşrutun öhdəsindən 44 saat ərzində gəlmiş 22 yaşlı A Çzinyadan (A Jin) məşqlər haqqında bilgi alıb.

Qeyd edək ki, 2015-ci ilin noyabrında toyuna bir həftə qalmış nişanlısı tərəfindən SMS vasitəsiylə atılan amerikalı Kayli Manulak gəlinlik donunda beş kilometr qaçıb.

Ayxan