Dünyanın ən zəngin İT milyarderləri

ABŞ-ın “Forbes” jurnalı İT sahəsində planetin 100 ən zəngin insanının reytinqini dərc edib.

Reytinqə əsasən, 10 ən zəngin milyarder varidatını ötən illə müqayisədə 64.9 milyard dollar artırıb.

78 milyard dollara sahib “Microsoft” şirkətinin həmtəsisçisi Bill Qeyts reytinqdə birinci yerdə qərarlaşıb. “Amazon.com” internet şirkətinin direktoru və “Blue Origin”in təsisçisi Ceff Bezos ($66 milyard) ikinci yeri tutub. “Facebook” sosial şəbəkəsinin qurucusu Mark Zukerberq üçüncü pilləni tutub və onun varidatı 54 milyard dollar təşkil edir.

İlk beşlikdə, həmçinin “Oracle” şirkətinin qurucusu Larri Ellison ($51.7 milyard) və “Google” şirkətinin təsisçiləri Larri Peyc ($39 milyard) və Serqey Brin ($38.2 milyard) yer alıblar.

Yüz ən zəngin İT milyarderlərin varidatı 892 milyard dollar təşkil edir.

“ICTnews”