Smartfonlar sürücülük vəsiqəsini əvəz edəcək

Hindistanda sürücülük vəsiqəsinin surətini “DigiLocker” adlı mobil proqrama yükləməyə icazə verilib.

Teleqraf.com ICTnews-a istinadən xəbər verir ki, “Sürücülük vəsiqəsi rəqəmli versiyaya keçir” adlanan yeni sistem barədə hindistanlı siyasətçi Ravi Şankar Prasad öz “Twitter” hesabında məlumat paylaşıb.

Yeni sistemdə sürücülər sənədlərin kağız versiyasını öz üzərində daşımalı olmayacaq, sadəcə, smartfonu yol patrul xidməti əməkdaşlarına göstərmək kifayət edəcək.

Mobil proqramda qeydiyyatdan keçmək üçün telefon nömrəsini daxil etmək lazımdır.