"Ağıllı parça" hazırlandı

Alimlər tərəfindən karbon nanoboruları və spandeks liflərindən hazırlanmış parça insanın əzələ və oynaqları kimi müxtəlif siqnallara cavab olaraq öz formasını dəyişdirə bilər.

İnnovativ materialın yaradılması üzrə yeni tədqiqat işi elektrik materiallarının öyrənilməsi mərkəzində keçirilib. Mütəxəssislər belə materiallar əsasında xəstələrin yerişini və ümumi əhvalını təhlil edərək müxtəlif zədələrdən sonra onların bərpasına kömək edən geyim yaradıblar.

İstehsalçılar qeyd edirlər ki, belə materialın istehsal prosesi asan başa gəlir və böyük vəsait tələb etmir.

İnnovativ material robot texnikasından miniatür sensorlar istehsalına kimi sahələrdə tətbiq edilə bilər. Bu texnologiya daha dəqiq və səliqəli robotların, həmçinin insanın əzələlərini gücləndirəcək geyimlərin yaradılmasında kömək edə bilər.

“ICTnews”