54 yaşlı kişinin ürəyi fahişənin qucağında dayandı

Türkiyədə 54 yaşlı kişi gecəqonduda ürək tutmasından ölüb.

Teleqraf.com-un Türkiyə mətbuatına istinadən məlumatına görə , hadisə ötən gecə yol kənarında olan gecəqonduda baş verib. Qadınla cinsi əlaqə zamanı 54 yaşlı E.Y.-nin gözlənilmədən halı pisləşib.

Polisin məlumatına görə, fahişə qışqıraraq ətrafdakılardan kömək istəyib və Təcili Yardım Xidməti çağırılıb. Hadisə yerinə gələn həkimlər infarkt keçirmiş kişiyə kömək etməyə çalışsalar da, onun həyatını xilas edə bilməyiblər. Otaqda aparılan araşdırmadan sonra E.Y-nin cəsədi yarılmaq üçün Hitit Universiteti Çorum Təhsil və Araşdırma Xəstəxanası meyitxanasına göndərilib.

İstintaq aparan polis ölən kişi ilə cinsi əlaqəyə girən qadının da ifadəsini alıb.

Rüstəm