Havada 3 bir-birinə zəncirlənmiş təyyarə... - Qorxu dolu VİDEO

Bir-birinə zəncirlənmiş təyyarələr havada izləyicilərə nəfəskəsən anlar yaşadıb. Bu görüntülər Artentinanın Neuken şəhərində lentə alınıb. Argentinalı pilotlar bir-birinə zəncirlənmiş təyyarələri havalandırmaqla ölümə meydan oxuyub.

Teleqraf.com-un məlumatına görə, Argentina Hava akrobatları eskadrasının gerçəkləşdirdiyi təhlükəli performansı izləmək üçün xeyli sayda insan aviabazaya axın edib. Pilotların hansı təhlükəni gözə aldığı aydındır: Ani diqqətsizlikdə təyyarələrdən biri yox, hər 3-ü yerə çırpıla bilər.

Bununla belə, təcrübəli və qorxusuz pilotlar nəinki təyyarələri yerə endirmək, hətta havada zəncirlənmiş vəziyyətdə akrobatik hərəkətlər də gerçəkləşdiriblər. İzləyicilərdə böyük maraq oyadan təhlükəli performans fəsadsız ötüşüb. Pilotlar bir-birinə zəncirlənmiş təyyarələri eyni anda yerə endirə bilib. Havada heç bir toqquşmanın baş verməməsi diqqət çəkən əsas məqamlardan olub.

Qeyd edək ki, Argentina Hava akrobatları eskadrası bu cür təhlükəli uçuşlar gerçəkləşdirməklə tanınıb. Qrupun performanslarını izləmək üçün qonşu ölkələrdən də turistlər bu ölkəyə səfər edir. /atvxeber.com/